Anilkumar Rathwa (Sameer) 12 Apr 2026 ग़ज़ल समाजिक "વર્તમાનની વેળા" 7165 0 Gujarati :: ગુજરાતી

વીતેલી એ કાલની ફિકરમાં મથવાનું છોડ તું,
આવનારી કાલના સપને હસવાનું છોડ તું.

​રેતી બનીને હાથમાંથી સરકી રહ્યો છે વક્ત,
વીતેલી એ ક્ષણો પાછળ ભમવાનું છોડ તું.

​કંડારવા તકદીરને તું મથતો રહ્યો સતત,
નિષ્ફળ રહે જો યત્ન તો રડવાનું છોડ તું.

​આથમ્યો સૂરજ ને સાંજ પડી એનો મલાલ શું?
થઈ દીવો અમથું અંધારે બળવાનું છોડ તું.

​લહેરાઈ જા જગતમાં હવે 'સમીર' થઈને તું,
ખુદને જ રોજ અરીસામાં વઢવાનું છોડ તું.