Anilkumar Rathwa (Sameer) 10 Apr 2026 ग़ज़ल समाजिक "પુરુષાર્થની લિપિ" 6155 0 Gujarati :: ગુજરાતી

કઠિન પથ પર અડગ ડગલાં ભરીને જોઈ લે તું પણ,
મુસીબતની નજર સાથે નજર મિલાવી લે તું પણ.

​નથી મંજિલ નસીબોના કોઈ પાનાં પર લખાયેલી,
લખાય છે એ પરસેવે, જરા લખી લે તું પણ.

​રુકાવટ તો ફક્ત પરખે છે તારા લોહીની ગરમી,
અગનપથ પર અચળ શ્રદ્ધા ધરીને જોઈ લે તું પણ.

​હજારો ઠોકરો ખાઈને જે ઊભો થાય છે ફરીથી,
ખમીરવંતા એ માનવીની મિશાલ બની લે તું પણ.

​નથી લાચાર એ આંખો જે સપનાં જોતી હોય છે,
પલક પર જીતનું અંજન લગાવી લે તું પણ.

​ભલે હો આખરી શ્વાસ આ સંઘર્ષની રણભૂમિમાં,
કરીને શૂન્યમાંથી સર્જન, દુનિયા જીતી લે તું પણ.