Anilkumar Rathwa (Sameer) 23 Apr 2026 ग़ज़ल प्यार-महोब्बत #Google #Yahoo #Bing 6297 0 Gujarati :: ગુજરાતી

બધાના હોઠ પર સ્મિત લાવવા, મેં મારું મૌન વેચ્યું છે,
થઈને જરા નવરો હવે, મારે મને મળવું છે.

​જગતની દોડમાં દોડ્યો ને હવે હાંફી ગયો છું દોસ્ત,
ખુદના જ ખભા પર બેસી, મારે મને મળવું છે.

​બીજાને ગમવા માટે મેં પહેર્યા છે ઘણા નકાબ,
ઉતારી એ બધા ચહેરા, મારે મને મળવું છે.

​થયો છે પ્રેમ દુનિયાને ફક્ત મારી સફળતાથી,
નિષ્ફળતાના ખૂણે જઈ, મારે મને મળવું છે.

​ક્યાં સુધી પારકી આંખે જોઉં ખુદને હું ઓ ‘સમીર’?
લૂછીને કાચ ચશ્માના, હવે મારે મને મળવું છે.