Anilkumar Rathwa (Sameer) 20 Mar 2026 ग़ज़ल समाजिक "અસ્તિત્વનો અરીસો" 3801 0 Gujarati :: ગુજરાતી

ગજા બહારની ઊંચાઈ પણ ક્યારેક તો નડે છે,
કે અતિ ઊંચે ચઢેલો સૂરજ પણ સાંજે ઢળે છે.

​ન રાખો આટલો આગ્રહ કે ‘હું જ સાચો છું’,
બહુ ખેંચાયેલા તાંતણા હંમેશા વચ્ચેથી તૂટે છે.

​ભલે હો ‘દિગ્ગજ’ ગજાના, ભલે હો નામ દુનિયામાં,
સમયના વહેણમાં તો પથ્થરો પણ અહીં ઘસાય છે.

​કિનારે બેસીને લહેરો ગણવી એ તો સહેલું છે,
ખરી સ્થિતિ તો મધદરિયે ડૂબ્યા પછી સમજાય છે.

​નમ્રતા રાખ ‘સમીર’, આ જગતમાં હર કદમ પર,
કે મૂળિયાં જેટલાં ઊંડાં, એટલાં જ ફળ મીઠાં મળે છે.