Anilkumar Rathwa (Sameer) 28 Mar 2026 ग़ज़ल समाजिक "આત્મ-મંથન" 3433 0 Gujarati :: ગુજરાતી

હજી તો રાખમાં ક્યાંક શ્વાસનો થરથરાટ બાકી છે,
બુઝાયા અગ્નિમાં પણ સૂર્યનો આહટ બાકી છે.

​પરાજયના મલીન પટ પર કલમ તારી ઘસીને જો,
નસીબોના લલાટે જીતનો ઝળકાટ બાકી છે.

​નથી આ પાનખર કે જે બધુંયે લૂંટી લેશે તારું,
ભીતરના બીજમાં એક ભવ્ય વટવૃક્ષ બાકી છે.

​ભલે રેતીમાં પગલાં ભૂંસતા વાયુના ઝાપટાં હો,
સમંદરની છાતી પર તારો રણકાર બાકી છે.

​તૂટેલા કાચના ટુકડા ય હૈયાને વીંધી જાશે,
હજી તો તીક્ષ્ણ તારી ધારનો ઝબકાટ બાકી છે.

​નવી વ્યાખ્યા તું લખજે હારની આ દુનિયાના ચોપડે,
ગગનને આંબવાના હોંસનો થનગાટ બાકી છે.