Anilkumar Rathwa (Sameer) 09 Mar 2026 कविताएँ समाजिक "માના ઘરેણાં અને શહેરનું ભણતર" 7581 0 Gujarati :: ગુજરાતી

ગામ મૂકીને શહેર આવ્યા, સપનાની પાંખે ઉડવા,
ભૂલી ગયા એ હાથને, જેણે સોનાના સિક્કા જોડ્યા.

​માના કાનની એ વાળી, ને ગળાનો પેલો હાર,
વેચાયા’તા ત્યારે, જ્યારે માથે હતો ફીનો ભાર.

​સૂની કલાઈ જોઈને પણ, દીકરો હરખાતો રહ્યો,
માનો એ મૌન ત્યાગ, બસ ભણતરમાં વરતાતો રહ્યો.

​ડિગ્રીના એ કાગળિયામાં, માના ઘરેણાંની સુગંધ છે,
પણ એસી રૂમની ઠંડકમાં, યાદો હવે તો બંધ છે.

​વરસે છે લાખો અહીં, પણ એ મૂડી ક્યાંથી લાવશો?
જે માએ હસતા મુખે વેચી, એ મમતા ક્યાંથી પામશો?