Anilkumar Rathwa (Sameer) 05 Apr 2026 कविताएँ देश-प्रेम "શબ્દોની વિરાસત" 13764 0 Gujarati :: ગુજરાતી

નરસિંહની એ કરતાલ વાગી, ભક્તિનો વહ્યો પ્રવાહ,
મીરાંના એ પદોમાં રેલાયો, કૃષ્ણપ્રેમનો ઉત્સાહ.
અખાના છપ્પાએ તોડ્યા, આડંબરના થર,
પ્રેમાનંદની માણ ગાજી, આખ્યાન થયાં અમર.

​દલપતરામની ડાહપણ વાણી, નર્મદનો ગર્જતો નાદ,
'યાહોમ' કરી કૂદી પડ્યા, વધારવા ગુજરાતીનો સ્વાદ.
ગોવર્ધનરામની 'સરસ્વતીચંદ્ર'માં, સંસ્કૃતિની છે છાપ,
કાન્ત, કલાપી ને ન્હાનાલાલના, કાવ્યોનો પરતાપ.

​ગાંધીયુગમાં ઉમાશંકરની, 'વિશ્વશાંતિ'ની વાત,
સુંદરમ્‌ની કવિતામાં દેખાય, માનવતાની ભાત.
મેઘાણીના કસુંબલ રંગે, આખું ગુજરાત ઘેલું,
ઝવેરચંદના સોરઠી ગીતોમાં, શૌર્ય વહેતું વહેલું.

​આધુનિકતાની કેડ બાંધી, સુરેશ જોષીએ વળાંક લીધો,
રાજેન્દ્ર શાહ ને નિરંજન ભગતે, નવો આયામ દીધો.
ગઝલના આંગણે મરીઝ ને આદિલ, ગુંજાવે શાયરી,
ગુજરાતી સાહિત્યની મહેક આજે, વિશ્વ આખામાં વિસ્તરી.