Anilkumar Rathwa (Sameer) 15 Apr 2026 ग़ज़ल समाजिक #Google #Yahoo #Bing 9845 0 Gujarati :: ગુજરાતી

હજારો માઈલની આ સફરમાં, એક ડગલું ભરવું પડશે,
સપનાંને જીવંત રાખવા, રાત આખી જાગવું પડશે.

​નજર આકાશ પર રાખજે, ભલે માર્ગમાં કાંટા હોય,
જગત હિંમત હારે તો ભલે, તારે વિશ્વાસે લડવું પડશે.

​સફળતા પીરસેલી નથી મળતી અહીં કોઈને થાળીમાં,
પરસેવે સીંચી ક્યારીને, ફૂલો માટે મથવું પડશે.

​ઠોકર વાગે તો ડરીશ નહીં, એ તો રસ્તો બતાવે છે,
પડીને બેઠા થનારાએ જ, ઇતિહાસ લખવો પડશે.

​લક્ષ્ય રાખજે આંખ સામે, જેમ અર્જુનની માછલીની આંખ,
પછી આભ તારું 'સમીર', બસ પાંખો ફેલાવવી પડશે.