Anilkumar Rathwa (Sameer) 24 Sep 2026 ग़ज़ल प्यार-महोब्बत #google#bing#chhotaudepur#instagram 5759 0 Hindi :: हिंदी

દિલને દીપક સમું સળગવાની કળા આપી હતી,
ને તને એ જ્યોતમાં ઘર કરવાની જગ્યા આપી હતી.

તું જ વાદળ થઈને મારી ઋતુઓ લઈ ગઈ,
મેં તો તારા રણને વરસવાની દિશા આપી હતી.

આંખમાં જે ઝળહળે છે, તે ધૂળ નથી યાદોની;
મેં તો પાંપણને સપનાની પ્રથા આપી હતી.

તું વિદાયે શબ્દ પણ બોલી શકી નહોતી છતાં,
મેં મૌનને પણ વિદાયની વ્યથા આપી હતી.

આજે તું અજાણ બનીને રસ્તો બદલી જાય છે,
મેં તો તારા પગલાંને ઓળખતી હવા આપી હતી.

ઘાવ ઊંડા છે છતાં ફરિયાદ હોઠે આવતી નથી,
પ્રેમને પણ સ્વાભિમાનની મર્યાદા આપી હતી.

સમીર, હવે હથેળીની રેખાઓને દોષ શું દે?
મેં જ કિસ્મતને તારા નામની દવા આપી હતી.